ໂຟຕອນ




    ໂຟຕອນມໍເຕີ້ ສ້າງຕັ້ງຂຶ້ນເມື່ອວັນທີ 28 ເມສາ 2539 ມີສຳນັກງານໃຫຍ່ຢູ່ທີ່ກຸ່ງປັກກິ່ງ ໂຟຕອນມໍເຕີ້ເປັນບໍລິສັດລົດຍົນເພື່ອການຄ້າທີ່ປະສົບຄວາມສຳເລັດເປັນຢ່າງສູງ ແລະ ມີອັດຕາການເຕີບໂຕຢ່າງກ້າວກະໂດດ ໂດຍໂຟຕອນມໍເຕີ້ ເປັນຜູ້ຜະລິດ ລົດບັນທຸກເພື່ອການຄ້າຂະໜາດກາງ, ລົດໂດຍສານສ່ວນບຸກຄົນ ທີ່ມີຍອດການຂາຍສູງສຸດຕິດຕໍ່ກັນ 10 ປີຊ້ອນ ແລະ ຍອດການຂາຍລວມເພື່ອການຄ້າສູງເປັນອັນດັບ 1 ໃນປະເທດຈີນ.

    ລົດຍົນໂຟຕອນໄດ້ຜະລິດ ແລະ ສົ່ງອອກເພື່ອຂາຍທົ່ວໂລກ ທັງໝົດ 125 ປະເທດ ມີລະບົບການຂາຍໄດ້ດີ ແລະ ການບໍລິການໃຫ້ຄຳປຶກສາດ້ານເຕັກນິກສຳລັບລູກຄ້າ ນອກນັ້ນຍັງມີສາຍການຜະລິດຫຼັກໃນ 5 ປະເທດ ແລະ ອິກ 10 ປະເທດຢູ່ລະຫວ່າງການດໍາເນີນການ.

    ໃນປີ 2020 ໂຟຕອນຈະກາຍເປັນຜູ້ນຳລະດັບ Top 10 ຂອງອຸດສາຫະກຳລົດຍົນ ໃນເວທີໂລກ ໂດຍຂະຫຍາຍແຜນການຜະລິດໃນຕ່າງປະເທດເຊັ່ນ: ອິນເດຍ, ບຣາຊີວ, ລັດເຊຍ, ເມັກຊີໂກ, ອິນໂດເນເຊຍ ນອກນັ້ນຍັງກໍານົດກົນລະຍຸດທາງການຕະຫຼາດໃນອາເມລິກາເໜືອ, ຢູໂຣບ ແລະ ຍີ່ປຸ່ນ.

    ໂຟຕອນມໍເຕີ້ ໃຫ້ຄວາມສຳຄັນໃນດ້ານຂອງການວິໄຈ ແລະ ພັດທະນາຜະລິດຕະພັນຢ່າງຕໍ່ເນື່ອງ ໂດຍມີສູນວິໄຈໃນປະເທດ 2 ແຫ່ງ ແລະ ເປັນພັນທະມິດທຸລະກິດກັບອົງການຂັ້ນນຳ ໃນອຸດສາຫະກຳຍານພາຫະນະເຊັນ: Daimler ແລະ Cummins ເພື່ອຄວາມຮ່ວມມືທາງດ້ານເຕັກໂນໂລຊີ ແລະ ພັດທະນາຜະລິດຕະພັນ.



Synesis Foton (ຊີເນສິດສ ໂຟຕອນ)


    ບໍລິສັດ Synesis Foton (ປະເທດລາວ) ຈຳກັດຜູ້ດຽວ ຈັດຕັ້ງຂຶ້ນເມື່ອປີ 2015 ດຳເນີນທຸລະກິດຈັດຈຳໜ່າຍ ແລະ ເຮັດການຕະຫຼາດປະເພດລົດຍົນນັ່ງສ່ວນບຸກຄົນ (Passenger Car), ລົດບັນທຸກຂະໜາດກາງ (Light-Duty Truck) ແລະ ລົດລຸ້ນພິເສດອື່ນໆຂອງໂຟຕອນພຽງແຕ່ຜູ້ດຽວໃນປະເທດລາວ (Sole Distributor )

    ໂດຍໃນວັນທີ 22 ພຶດສະພາ 2015 ບໍລິສັດ Synesis Foton (ປະເທດລາວ) ຈໍາກັດຜູ້ດຽວ ໄດ້ເປິດພິທີຢ່າງເປັນທາງການ ພ້ອມທັງເປິດຕົວຜະລິດຕະພັນເຊັນ: ລົດກະບະ TUNLAND, ລົດຕູ້ VIEW CS2, ລົດຕູ້ TOANO, ລົດ SAUVANA (SUV), ບໍລິສັດ Synesis Foton (ປະເທດລາວ) ຈຳກັດຜູ້ດຽວ ຍັງມີລົດບັນທຸກເພື່ອການຄ້າອິກຫຼາຍລຸ້ນ ທີ່ມີປະສິດທີ່ພາບສູງ ຕອບສະໜອງທຸກການໃຊ້ງານໄດ້ຢ່າງດີ ຄຸ້ມຄ່າໃນທາງດ້ານຄຸນນະພາບ ແລະ ການລົງທຶນ ດ້ວຍການພັດທະນາຢ່າງຕໍ່ເນື່ອງ ບໍລິສັດມີແຜນຂະຫຍາຍເຄື່ອຂ່າຍການຈຳໜ່າຍ ແລະ ການໃຫ້ບໍລິການໃນນະຄອນຫຼວງວຽງຈັນ ແລະ ຕ່າງແຂວງ ໃນປະເທດລາວ ເພື່ອກ້າວເປັນຜູ້ນຳດ້ານທຸລະກິດອຸດສາຫະກຳລົດຍົນໃນປະເທດລາວ ແລະ ການບໍລິການທີ່ດີເລິດຕາມມາດຕະຖານສາກົນ.


ໂຟຕອນ ແລະ ຄາມມິນສ


    28 ມີນາ 2551 Foton ແລະ Cummins ໄດ້ຮ່ວມລົງທຶນໃນ Beijing Foton Cummins Engine Co.,Ltd ໃນສັດສ່ວນຝ່າຍລະ 50 % ດ້ວຍເງິນລົງທຶນ 2,7 ລ້ານຢວນ ເພື່ອຜະລິດເຄື່ອງລົດຍົນ ສໍາລັບລົດບັນທຸກຂະໜາດກາງໂຮງງານແຫ່ງນີ້ມີກຳລັງການຜະລິດສູງ 400,000 ເຄື່ອງຕໍ່ປີ ຖືວ່າເປັນໂຮງງານຜະລິດເຄື່ອງລົດຍົນທີ່ໃຫຍ່ທີ່ສຸດໃນປະເທດຈີນ.


ໂຟຕອນ ແລະ ເດັມເລີ


    ເມື່ອວັນທີ 18 ກຸມພາ 2555 Foton Motor ແລະ Daimler ໄດ້ມີການຮ່ວມທຶນ (Joint venture) ໃນສັດສ່ວນຝ່າຍລະ 50 % ກໍ່ຕັ້ງ ບໍລິສັດ Beijing Foton Automotive Co.,Ltd ໃນວົງເງິນລົງທຶນສູງເຖິງ 6,35 ພັນລ້ານຢວນ ໂດຍມີທຶນຈົດທະບຽນ 5,6 ພັນລະຢວນ ມີພະນັກງານ 6,700 ຄົນ Daimler ການລົງທຶນຄັ້ງນີ້ ເປັນການຮ່ວມມືໃນດ້ານຕ່າງໆເຊັນ: Technical center ໂຮງງານປະກອບລົດບັນທຸກ Auman ໂຮງງານຜະລິດເຄື່ອງຍົນຝ່າຍການຕະຫຼາດ Foton ແລະ Daimler ໄດ້ພັດທະນາອອກແບບປະກອບ ແລະ ຜະລິດລົດບັນທຸກ ແລະ ເຄື່ອງຍົນ ສໍາລັບລົດບັນທຸກຂະໜາດກາງ ແລະ ຂະໜາດໃຫຍ່ພາຍໃຕ້ຊື່ Foton ແລະ Auman ໂດຍຈີນເປັນສູນກາງການດຳເນີນການ ແລະ ໃຊ້ຈຸດແຂ່ງຂອງທັງສອງຝ່າຍຮ່ວມກັນເພື່ອສ້າງຍີ່ຫໍ້ລົດຈີນ.

    ໂຮງງານ Foton ແລະ Auman ຈະເລີ່ມຜະລິດລົດບັນທຸກໂຟຕອນຂະໜາດກາງ ແລະ ຂະໜາດໃຫຍ່ພາຍໃຕ້ຍີ່ຫໍ້ Auman ແລະ ຜະລິດລົດບັນທຸກ Mercedes-Benz ລຸ້ນ OM457 ຂະໜາດ 490 ແຮງມ້າ ມາດຕະຖານ ຢູໂຣ 5 ໃນນີ້ການຜະລິດຈະຢູ່ພາຍໃຕ້ການຮັກສາຂອງ Daimler ໂຮງງານແຫ່ງນີ້ນັບເປັນມິຕິໃໝ່ ຂອງອຸດສາຫະກຳປະກອບລົດຍົນໃນຮອບ 30 ປີ ຢ່າງສີ້ນເຊິງ ນັບຕັ້ງແຕ່ມີການປະຕິຮູບ ແລະ ເປິດປະເທດຈີນ ຊຶ່ງຈາກເດີມໂຮງງານປະກອບລົດຍົນຈະຢູ່ພາຍໃຕ້ການບໍລິຫານຈັດການຈາກບໍລິສັດຕ່າງຊາດ.


ບໍລິສັດ ຊິນເນສິສ ຈຳກັດຜູ້ດຽວ


    ບໍລິສັດ ຊິນເນສິສ ຈໍາກັດຜູ້ດຽວ (Synesis) ໄດ້ຮັບການສ້າງຕັ້ງຂຶ້ນໃນປີ 2008 ແລະ ເຄື່ອນໄຫວໃນຫຼາຍທຸລະກິດເຊັ່ນ: ທຸລະກິດທີ່ປຶກສາ, ທຸລະກິດນຳເຂົ້າ - ສົ່ງອອກ, ທຸລະກິດກໍ່ສ້າງ, ຜະລິດຕະພັນ S-Block ແລະ ດ້ານເທັກໂນໂລຢີຂໍ້ມູນຂ່າວສານ. ພວກເຮົາຖືປັດສະຍາທີ່ວ່າ "ສະໜອງຜະລິດຕະພັນ ແລະ ບໍລິການທີ່ມີຄຸນນະພາບຕາມຄວາມຕ້ອງການຂອງລູກຄ້າໃນເວລາທີ່ກຳນົດ ແລະ ລາຄາທີ່ສົມເຫດສົມຜົນ ເພື່ອສ້າງສາຍພົວພັນໄລຍະຍາວກັບລູກຄ້າໂດຍອີງໃສ່ຄວາມເຊື່ຶອໝັ້ນ ແລະ ຄວາມຮັບຜິດຊອບຕໍ່ ຜົນປະໂຫຍດສູງສຸດຂອງລູກຄ້າ" ໃນການເຄື່ອນໄຫວທຸລະກິດ.

ໂທລະສັບ : (856-21) 262 541
ໂທລະສານ: (856-21) 264 254
Email: info@synesis.com.la
Website: www.synesis.com.la
ຖະໜົນໂພນພະເນົາ-ໂພນຕ້ອງ, ບ້ານໂພນພະເນົາ, ເມືອງໄຊເສດຖາ, ນະຄອນຫຼວງວຽງຈັນ.